Nju Jork, 29 qershor 2023 (MIA) – Miliona njerëz po përballen me urinë për shkak të konfliktit dhe intensifikimit të ndryshimeve klimatike në verilindje të Nigerisë. Vendi i Afrikës Perëndimore është në rrezik të një krize humanitare, tha koordinatori humanitar i Kombeve të Bashkuara në Nigeri, Matias Shmale.

Ai shtoi se 4,3 milionë njerëz janë të uritur në shtetet nigeriane Borno, Adamava dhe Jobe.

Numri i fëmijëve nën pesë vjeç në rrezik nga kequshqyerja e rëndë akut kërcënuese për jetën ka arritur në 700,000, dyfishi i numrit në 2022 dhe katërfish më shumë se në vitin 2021.

"Situata katastrofale është rezultat i më shumë se një dekade pasigurie në lidhje me grupet e armatosura që i pengojnë njerëzit të merren me bujqësi dhe të fitojnë të ardhura nga toka", theksoi Shmale.

Ndryshimet klimatike dhe ndikimet ekstreme të motit, si dhe rritja e çmimeve të ushqimit, karburantit dhe plehrave, e kanë përkeqësuar krizën e Nigerisë. ls/

Foto: EPA