Bogota, 10 qershor 2023 (MIA) - Katër fëmijë nga një komunitet indigjen në Kolumbi janë gjetur të gjallë në jug të vendit më shumë se pesë javë pasi aeroplani me të cilin po udhëtonin u rrëzua në një xhungël të dendur, tha dje presidenti kolumbian Gustavo Petro.

Fëmijët u shpëtuan nga ushtria pranë kufirit midis provincave kolumbiane Kaketa dhe Guaviare, afër vendit ku u rrëzua aeroplani i vogël.

"Gëzim për të gjithë vendin!" Katër fëmijët që u zhdukën...humbën...në xhunglën kolumbiane u shfaqën të gjallë", shkruan Petro në Tuiter.

Aeroplani i vogël "Cesna 206" mbante shtatë persona në një fluturim midis Arakuaras, në shtetin Amazonas, dhe San Hoze del Guaviare, një qytet në shtetin Guaviare, por raportoi një alarm për defektin e motorit në orët e para të 1 majit.

Tre të rritur, përfshirë pilotin, vdiqën si pasojë e përplasjes dhe trupat e tyre u gjetën në aeroplan. Katër fëmijët e moshës 13, nëntë dhe katër vjeç i mbijetuan rënies, si dhe një foshnjë 11 muajshe.

Informacioni fillestar nga Autoriteti i Aviacionit Civil, i cili koordinoi përpjekjet e shpëtimit, sugjeroi se fëmijët ikën nga avioni dhe u drejtuan në pyllin e shiut për të kërkuar ndihmë.

Ekipet e shpëtimit, me mbështetjen e qenve nuhatës, kishin gjetur më parë fruta të hedhura, të cilat dyshohet se i kishin ngrënë fëmijët, dhe strehimore të improvizuara të bëra nga bimësia e xhunglës.

Në operacionet e shpëtimit morën pjesë avionë dhe helikopterë të ushtrisë dhe forcave ajrore kolumbiane. sa/

foto dhe video: Tuiteri i presidentit Gustavo Petro

#AEstaHora comandos de la @FuerzaAereaCol sacan de la espesa selva a los 4 niños. El helicóptero 🚁 está a más de 60 mts de altura. Los árboles 🌳 son muy altos y la visibilidad es casi nula. Van al helipuerto habilitado en medio de la selva para esta operación.

Del helipuerto… pic.twitter.com/P7RYWDV9oi

— Mindefensa (@mindefensa) June 10, 2023