Otava, 17 tetor 2024 (MIA) - Gazetarja e Radiotelevizionit publik të Kanadasë Si-Bi-Si, Afra Rana ka dhënë dorëheqje për shkak raportimit të njëanshëm për gjenocidin në Gazë.

Në tekstin e publikuar në një portal kanadez onlajn, Rana shprehu zhgënjimin e saj për raportimin e njëanshëm të kanalit ku ajo punon dhe deklaroi se Si-Bi-Si injoron dhimbjen e palestinezëve. Në tekstin, ajo e quajti raportimin e njëanshëm të kanalit "bashkëpjesëmarrje" në gjenocidin e Izraelit në Rripin e Gazës.

"Jam e tmerruar nga mungesa e kontekstit historik të Si-Bi-Si midis Izraelit dhe Palestinës dhe nga gjuha e përdorur për të mbrojtur masakrën e Izraelit ndaj palestinezëve", deklaroi ajo.

Ajo theksoi se "Udhëheqësi për gjuhën në Si-Bi-Si për Lindjen e Mesme është jashtëzakonisht kontradiktor" dhe ka kritikuar qasjen e kanalit ndaj raportimit për rajonin. Rana thekson se në redaksi është "refuzuar" pasi ngriti shqetësimet për këtë çështje dhe u përball me ngarkesën emocionale të punës në një mjedis të tillë. rq/

Foto: arkivi i MIA-s