Londër, 17 nëntor 2023 (MIA) - Shefi i diplomacisë britanike Dejvid Kameron prej tani do ta mbajë titullin lord Kameron nga Çiping Norton, pasi ishte konfirmuar shtrirja territoriale e titullit të tij fisnik, kumtoi DPA.

Prejse kryeministri Rushi Sunak e emëroi shef të diplomacisë, ish kryeministri britanik u pranua edhe në Dhomën e lordëve.

Ky është kthimi i dukshëm i Kameron në politikë, shtatë vjet pasi ai dha dorëheqjen si kryeministër pas dështimit të referendumit për Brekzit, kumtoi DPA.

Sot ishte konfirmuar se titulli i tij i plotë do të jetë "Lordi me nderime të larta Kameron nga Çiping Norton".

Emri i titullit konfirmon lidhjet shumëvjeçare të Kameronit me qytetin Çiping Norton, që gjendet në ish njësinë e tij zgjedhore.

Pritet të hënën ai edhe zyrtarisht të paraqitet në Dhomën e lordëve të Parlamentit britanik. sa/

foto: EPA