Niamej, 5 gusht 2023 (MIA) – Junta ushtarake e Nigerisë e cila e rrëzoi nga froni presidentin e zgjedhur në mënyrë demokratike, ka kërkuar ndihmë nga grupi mercenar rus Vagner nëse përballet me ndërhyrje ushtarake nga blloku rajonal i Afrikës Perëndimore.

Sipas burimeve anonime, lideri i juntës Salif Modi ka realizuar kontakte me përfaqësuesit e Vagnerit në vendin fqinj Mali.

Komuniteti ekonomik i Shteteve të Afrikës Perëndimore (EKOVAS) ka vendosur sanksione ndaj Nigerisë për grusht shtetin dhe paralajmëroi se do të përdorë forcën nëse junta ushtarake nuk e rikthen presidentin e zgjedhur në mënyrë demokratike Mohamed Bazum.

Organizata pesëmbëdhjetë anëtarësh para dy ditësh dërgoi një delegacion në Nigeri për të kërkuar një "zgjidhje paqësore", por takimi i mbajtur në aeroportin e Niamejt përfundoi pa sukses.

Është e paqartë se si do të dukej ndërhyrja rajonale, kur do të fillonte, apo nëse do të merrte mbështetje nga forcat perëndimore.

Junta e Nigerisë u bëri thirrje qytetarëve të raportojnë spiunët, ndërsa grupet e vetëorganizuara të mbrojtjes u mobilizuan natën për të monitoruar automjetet dhe për të patrulluar në kryeqytet.

foto: arkivi i MIA-s