Hagë, 17 maj 2024 (MIA) - Izraeli sot hodhi poshtë akuzat për gjenocid, duke pretenduar para gjykatës së lartë të KB-së se po bënë gjithçka që mundet për të mbrojtur civilët gjatë operacionit të saj ushtarak në Gazë.

Në Gjykatën ndërkombëtare të Drejtësisë, sot përfundoi seanca e tretë dëgjimore për masat emergjente të kërkuara nga Afrika e Jugut sepse beson se ndërhyrja ushtarake izraelite në qytetin Rafah në jug kërcënon "mbijetesën e palestinezëve në Gazë" dhe kërkoi nga gjykata të urdhërojë armëpushim.

Tamar Kaplan-Turgeman nga ekipi ligjor i Izraelit mbrojti sjelljen e vendit, duke thënë se kishte lejuar dërgimin e karburantit dhe ilaçeve në enklavën e rrethuar.

Ajo gjithashtu tha se Izraeli po merr masa të jashtëzakonshme për të reduktuar dëmin ndaj civilëve në Gazë.

Afrika e Jugut para gjykatës të enjten theksoi se situata në enklavë kishte arritur një "fazë të re dhe të tmerrshme" dhe u bëri thirrje gjyqtarëve që të urdhërojnë përfundimin e operacioneve ushtarake izraelite.

Gjykata mbajti seancën e tretë mbi masat emergjente të kërkuara nga Afrika e Jugut pasi ngriti akuza për gjenocid në fund të vitit të kaluar. qa/

Foto: arkivi i MIA-s