Nju-Jork, 21 dhjetor 2023 (MIA) - Raport i Hjuman rajts uoç (HRW) e ka dënuar sot Metën, kompaninë që operon me platformat e mediave sociale Facebook, Instagram dhe WhatsApp, për “heshtje të zërave të mbështetjes për Palestinën”.

"Politikat e Metës dhe sistemet e moderimit të përmbajtjes i heshtin gjithnjë e më shumë zërat propalestineze në Instagram dhe Facebook pas armiqësive midis forcave izraelite dhe grupeve të armatosura palestineze, sipas raportit prej 51 faqesh, të titulluar "Premtimet e thyera të Metës: Censura sistematike e përmbajtjes palestineze në Instagram dhe Facebook".

Hjuman rajts uoç zbuloi se problemi buron nga politikat e gabuarta të Metës dhe zbatimi i tyre jokonsistent dhe me të meta, mbështetja e tepërt në mjetet e automatizuara të moderimit të përmbajtjes dhe ndikimi i tepruar i qeverisë mbi heqjen e përmbajtjes.

HRW ka shqyrtuar 1.050 raste të censurës në internet nga më shumë se 60 vende.

Sipas raportit të HRW, ekzistojnë gjashtë modele kryesore të censurës dhe "secila përsëritet në të paktën 100 raste si heqja e përmbajtjes, pezullimi ose fshirja e profileve, pamundësia për të ndërvepruar me përmbajtjen, pamundësia për të ndjekur ose etiketuar llogaritë, kufizime në përdorimin e funksioneve si Instagram / Facebook Live...

Sipas HRW, Meta po përdor gjerësisht politikën e saj të "organizatave dhe individëve të rrezikshëm" për të kufizuar fjalimin legjitim në lidhje me armiqësitë midis Izraelit dhe grupeve të armatosura palestineze.

Aktivistët palestinezë të mediave sociale janë ankuar prej kohësh për paragjykime në platformat e mediave sociale pasi përballen me kufizime në rritje, me shumë përmbajtje të bllokuara ose të hequra. mb/