Grupi i punës nga BNJVL në bashkëpunim me MPB-në po përpunon ligj për polici komunale
- Orce Gjorgjievski, kryetar i komunës Kisella Vodë dhe kryetar i BNJVL-së, sot informoi se grupi i punës nga BNJVL tashmë po punon në përgatitjen e ligjit për polici komunale në bashkëpunim me Ministrinë e Punëve të Brendshme.
- Post By Arta Bunjaku
- 13:32, 14 gusht, 2024
![Grupi i punës nga BNJVL në bashkëpunim me MPB-në po përpunon ligj për polici komunale](https://new.mia.mk/images/20240814133239_big_730x400_38.webp )
Shkup, 14 gusht 2024 (MIA) - Orce Gjorgjievski, kryetar i komunës Kisella Vodë dhe kryetar i BNJVL-së, sot informoi se grupi i punës nga BNJVL tashmë po punon në përgatitjen e ligjit për polici komunale në bashkëpunim me Ministrinë e Punëve të Brendshme.
Në deklaratë për mediumet pas takimit të sotëm koordinues me kryetarët e komunave të Shkupit, Gjorgjievski tha se në periudhën në vijim edhe opinioni do të duhet të njoftohet me atë ligj.
Sipas kryetarit të Komunës së Karposhit, Stevçe Jakimovski, ndërkaq, problemet e vazhdueshme në Qytetin e Shkupit nuk do të zgjidhen nëse nuk sillet ligj për inspektim komunal.
Kryetarët e komunave të Shkupit në takimin e sotëm koordinues sollën vendim të parashtrohet propozim në Qeveri dhe në Minsitrinë e Mjedisit Jetësor për t'ua marrë ingerencat ndërmarrjeve publike për higjienë komunale dhe parqe dhe gjelbërim.
Siç informoi kryetari i Komunës së Kisella Vodës, Orce Gjorgjievski, pas takimit të sotëm koordinues, sollën vendim të kërkojnë dorëzim të obligimeve të komunave. ab/
Foto: МIА arkivi