Kajro, 1 shkurt 2024 (MIA) - Gjithsej 1.210 të lënduar dhe banorë të sëmurë në Rripin e Gazës arritën në Egjipt nga fillimi i konfliktit midis Hamasit dhe Izraeli më 7 tetor deri nga mesi i janarit të këtij viti, publikoi gazeta egjiptiane Al-Ahram.

Pacientët kanë hyrë në Republikën Arabe me gjithsej 1.085 shoqërues dhe u dërguan në spitale lokale edhe në objektet mjekësore në vendet tjera.

Në të njejtë periudhë, rreth 23 mijë persona - të huaj, persona me shtetësi të dyfishtë, palestinezë dhe egjiptianë, kaluan përmes pikës kufitare Rafah nga enkalava e rrethuar.

Në ditët e fundit nga janari në Egjipt janë transportuar 29 të plagosur dhe të sëmurë nga kanceri me 57 shoqërues. Ata të cilët kanë nevojë për kujdes shëndetësor janë pranuar në spitalet e qytetit më të afërt El Arish, si dhe në Sheik Zajed, Suec, Ismailia dhe Port Said.

Më 23 janar Gjysmëhëna e Kuqe egjiptiane e publikoi fazën e dytë të ndërtimit të kampit të refugjatëve në Kan Junis, që ndodhet në pjesën jugore të Gazës. Në fazën e parë u ngritën një mijë tenda me kapacitet prej gjashtë mijë personash. rq/bsh/

Foto: Arkivi i MIA-s