Gjermania po kërkon të blejë tanke nga Zvicra për të ndihmuar Ukrainën

Bern, 3 mars 2023 (MIA) - Gjermania i ka kërkuar Zvicrës që t'i shesë asaj një pjesë të tankeve të saj "Leopard 2", në mënyrë që të mund të ofrojë më shumë ndihmë ushtarake për Ukrainën, raportoi sot gazeta zvicerane "Blik".

Siç shkruan gazeta, Gjermania kërkon që Zvicra t'i shesë një pjesë të tankeve të saj nga prodhuesi Rheinmetall, për të mbushur boshllëqet në armatimin e anëtarëve të BE-së dhe NATO-s.

Gjermania, Polonia, Portugalia, Finlanda dhe Suedia janë ndër vendet që dërgojnë “Leopardët” në Ukrainë, por duke e bërë këtë ata kanë zvogëluar arsenalin e tyre ushtarak.

Ministri gjerman i Mbrojtjes Boris Pistorius dhe ai i Ekonomisë Robert Habek e kanë informuar ministren zvicerane të Mbrojtjes Viola Amherd për qëllimin e tyre në një letër të datës 23 shkurt, shkruan “Blik”. Ata kërkojnë nga Bern të pajtohet me shitjen, me premtimin se tanket zvicerane nuk do të përfundojnë në Ukrainë.

Ligjet e neutralitetit dhe embargoja e armëve e pengojnë Zvicrën të dërgojë armë direkt në Ukrainë, dhe nëse bie dakord me kërkesën e Gjermanisë, Parlamenti zviceran do të kërkojë të shpallë zyrtarisht tanket jashtë shërbimit, shpjegoi gazeta.

Ministria zvicerane e Mbrojtjes tha se kërkesa gjermane ishte duke u shqyrtuar.

“Nga pikëpamja ushtarake, në parim, duke marrë parasysh nevojat e Zvicrës, do të ishte e mundur të hiqnin dorë nga një numër më i vogël i tankeve”, tha zëdhënësi i Ministrisë.

Në rastet e mëparshme, Bern refuzoi kërkesat nga Gjermania, Spanja dhe Danimarka për të eksportuar municione zvicerane të blera më parë në Ukrainë. sa/

Foto: EPA

Gjermania po kërkon të blejë tanke nga Zvicra për të ndihmuar Ukrainën

Tags

GJITHASHTU MUND TË Pëlqejë

Liderët e BE-së: Evropa pas kthimit të Trampit duhet të marrë kontrollin mbi fatin e vet

Në Uashington paralajmërohet marsh protestues para inaugurimit të Trampit

Ish ministri i Mjedisit Jetësor të Shqipërisë dënohet me 10 vite burg, do të vuajë 6.8 vjet

Miratohet deklarata nga Budapesti për marrëveshjen e re evropiane për konkurrencë

BE-ja mendon ta ndërrojë gazin e lëngshëm rus me gaz amerikane, tha Ursula fon der Lajen

Jermak e kritikoi deputetin ukrainas i cili i kërkoi Zelenskit të negociojë me Rusinë

Shtatëdhjetë e tetë persona rezultojnë ende si të zhdukur nga përmbytjet në Spanjë

Hoti: Qeveria e re e Kosovës duhet ta zbatojë Marrëveshjen e Uashingtonit, me Kurtin janë humbur katër vite

Gjermania po kërkon të blejë tanke nga Zvicra për të ndihmuar Ukrainën

Tags

GJITHASHTU MUND TË Pëlqejë

QËNDRONI TË LIDHUR