Berlin, 2 shkurt 2024 (MIA) - Pas një beteje të gjatë, partitë e koalicionit qeverisës të Gjermanisë i dakorduan detajet e fundit për legalizimin e kanabisit, publikoi DPA.

Prandaj, ligji mund të hyjë në fuqi më 1 prill, paralajmëruan nënkryetarët e grupeve parlamentare Dagmar Shmit (GSDP), Marija Kllajn-Shmajnk (të gjelbërt) dhe Konstantin Kule (SVP) pas rafundit të fundit të negociatave në Berlin.

"Rregulloret janë një pikë kthese e vërtetë për një politikë moderne të drogës që forcon parandalimin dhe përmirëson mbrojtjen e shëndetit, fëmijëve dhe të rinjve" thonë ata.

Në të ardhmen, të rriturit do të jenë në gjendje të kultivojnë kanabis në shtëpi dhe të posedojnë sasi të vogla. Nga 1 korriku, klubeve do t'u lejohet kultivim i përbashkët.

Formalisht, ligji duhet të miratohet nga Budestagu të dielën duke filluar nga 19 shkurti. Më pas do të sillet në Bundestag më 22 mars, ku nuk pritet të ketë pengesa.

Megjithatë, që nga 1 prilli, ndalesa për kanabisin që ka qenë në fuqi për më shumë se 40 vjet është pothuajse e sigurt se do të hiqet, thekson agjencia.

Legjislacioni u dakordua në nëntor, por ka pasur diskutime të gjata në koalicionin për mbrojtjen e të rinjve, me ç'rast një deputet shprehu frikën se "njerëzit do të pijnë barë në çdo cep".

Ligji mbetet i pandryshuar, përveç që efektiviteti i tij duhet të rishikohet në disa faza. ls/

Foto: Arkivi i MIA-s