Tiranë, 28 dhjetor 2023 (MIA) - Gjermania dhe BE-ja financiarisht do ta mbështesin projektin për transportin e gjelbër në Tiranë, me 81,2 milionë euro.

Marrëveshjen për financim e nënshkruan ministri i Financave dhe Ekonomisë Ervin Mete, prefekti i Tiranës Erion Veliaj dhe drejtoresha e KfW në Shqipëri, Brit Horshke, në vlerë prej 50 milionë euro hua nga qeveria gjermane dhe grant prej 31,2 milionë euro, të ndarë nga Fondi për investime për Ballkanin Perëndimor (WBIF).

Vlera e përgjithshme e vlerësuar e projektit është 110,37 milionë euro. Pjesa tjetër e fondeve, 29,17 milionë euro do të mbulohet nga Bashkia e Tiranës.

"Projekti përfshin zbatimin e një sistemi tranziti të shpejtë me autobus (Bus-Rapid Transit-BRT), duke përdorur autobusë bateri-elektrikë në tre linja transporti në Tiranë. Qëllimi i projektit është përmirësimi i ofrimit të shërbimeve në transportin publik, si dhe reduktimi i emetimeve të CO2", njoftoi ministri Mete në Fejsbuk.

Projekti është në kuadër të masave të ndërmarra nga Qeveria për arritjen e synimeve të zhvillimit të qëndrueshëm dhe mbrojtjes së klimës dhe pritet të përfundojë në fund të vitit 2029. sa/