Tiranë, 19 gusht 2022 (MIA) – Korporata shqiptare KESH për furnizim të energjisë elektrike vetëm për fundjavën e kaluar ka shpenzuar 7,6 milionë euro. "KESH e ka mbyllur procedurën për blerjen e energjisë për 20 dhe 21 gusht, duke siguruar 15.624 megavat orë me çmim mesatar prej 487.75 euro. Para disa ditëve kompania e anuloi procedurën për furnizimin e energjisë, duke i kënaqur nevojat e vendit me energji nga prodhimi vendor. Por, rënia e nivelit të ujit në akumulimin “Fierza”, i cili është një prej tre hidrocentraleve në kaskadën e lumit Drin si dhe thatësira afatgjatë e detyruan KESH-in të hapë një tender për furnizimin me energji elektrike. periudha nga 22 deri më 28 gusht. Për këtë javë nevojiten gjithsej 47.600 megavat orë energji. Ministria e Energjetikës së Shqipërisë para disa ditëve filloi fushatë në rrjetet sociale për sensibilizimin e kursimit të energjisë, duke u bërë thirrje qytetarëve që të konsumojnë sa më pak energji elektrike. Nga ana tjetër, Shqipëria para gjashtë ditëve, i ndihmoi Kosovës dhe i ka dhënë rrymë, me çka janë shmangur kufizimet që i ka paralajmëruar Qeveria e Kosovës. fb/