Teheran, 4 janar 2024 (MIA) - Korpusi i Gardës revolucionare islamike (IRGC) dhe zëvendëspresidenti i parë i vendit, Mohamed Mohbar, premtuan sot se do të hakmerren për shpërthimet ku humbën jetën 84 persona (sipas informacioneve të fundit nga Teherani) dje në qyteti juglindor të Iranit, Kerman.

Shpërthimet e tronditën qytetin në një vend afër varrit të gjeneralit me ndikim iranian Kadem Sulejmani gjatë një ceremonie përkujtimore në përvjetorin e katërt të vdekjes së tij. Kreu i forcave Kuds të IRGC-së për operacionet e jashtme u vra në kryeqytetin irakian të Bagdadit pas një sulmi me dron amerikan në vitin 2020.

"Sulmuesit do të marrin një goditje shumë të fortë hakmarrëse nga duart e luftëtarëve të Sulejmanit", deklaroi Mohber para përfaqësuesve të mediave në spitalin ku po kujdesen disa nga të plagosurit. Shpërthimet në Kerman u përshkruan si sulmi më i përgjakshëm ndaj Iranit që nga Revolucioni islamik i vitit 1979.

Deri më tani askush nuk e ka marrë përgjegjësinë për shpërthimet, ndërsa motivi mbetet i paqartë. Një zyrtar i lartë i administratës së presidentit amerikan Xho Bajden, i cili ka dashur të mbetet anonim, tha se sulmet dukej të ishin një "sulm terrorist" i llojit të kryer në të kaluarën nga militantët e lëvizjes radikale të Shtetit islamik.

Mediat shtetërore iraniane raportuan për të shtëna sot në Kerman, pa dhënë detaje.

Në një komunikatë, Korpusi i Gardës revolucionare islamike e përshkroi sulmin e djeshëm si një akt të urryer "që synon të krijojë pasiguri dhe të kërkojë hakmarrje për dashurinë dhe përkushtimin e thellë të kombit ndaj Republikës Islamike". KGIR vëren se pas shpërthimeve "vetëm e forcoi vendosmërinë e tyre për dënim të pakompromis dhe të drejtë të kryerësve".

Presidenti iranian Ebrahim Raisi e dënoi sulmin si një "krim tronditës, çnjerëzor" ndërsa lideri suprem Ali Hamnei premtoi "përgjigje të ashpër". Ai e mbante portretin e gjeneralit Kasem Sulejmani gjatë fjalimit të tij në seancën e Asamblesë së përgjithshme të Kombeve të Bashkuara më 21 shtator të vitit  2022.

Zyrtarët e Gjysmëhënës së Kuqe iraniane dhanë ndihmën e parë për të plagosurit në turmë e ceremonisë ku morën pjesë qindra iranianë. mb/

Foto: MIA