Tel Aviv, 13 tetor 2023 (MIA) - Izraeli po zhvillon një luftë gjithpërfshirëse kundër militantëve të Hamasit për të arritur ndryshime të qëndrueshme dhe për të mbrojtur të ardhmen e tij si një demokraci me prosperitet, deklaroi ministri izraelit i Mbrojtejs, Joav Galant, duke e quajtur Hamasin pjesë të "“boshtit të së keqes" me Iranin. 

Gjatë kohës së konferencës për shtyp me homologun e tij amerikan Lojd Ostin, ministri izraelit u pyet se nëse Teherani dha pëlqimin për sulmin e Hamasit nga Rripi i Gazës.

 "Nuk është me rëndësi, sepse ideja ishte iraniane", tha Galant.

Në ditën e shtatë të luftimeve, Galant tha se civilët palestinez të cilët "duan që t'i shpëtojnë jetët e tyre" duhet të t'i ndëgjojnë paralajmërimet e Izraelit dhe të evakuuohen në jug të enklavës.

Kombet e Bashkuara paralajmëruan se ka krizë humanitare me përmasa të papara. 

 Galant refuzoi të përgjigjet në pyetjen e gazetarëve nëse Izraeli do ta respektojë paralajmërimin 24-orësh për evakuim që është lëshuar mëngjesin e sotëm.

"Kjo është një luftë për ekzistencën e Izraelit si një shtet prosperues, demokratik, shtëpi e popullit hebre", tha ai.

"Po luftojmë për shtëpinë tonë. Po luftojmë për të ardhmen tonë", vazhdoi ai.

"Rruga do të jetë e gjatë, por ju premtojë se në fund do të fitojmë", përmbylli Galant. qa/

Foto: Arkivi i MIA-s