Kopenhagë, 5 janar 2026 (MIA) - Kryeministrja daneze Mete Frederiksen sot deklaroi se qëllimet e presidentit amerikan Donald Tramp për të marrë kontrollin e Grenlandës duhet të merren seriozisht. Në të njëjtën kohë, ajo përsëriti se edhe Danimarka edhe Grenlanda i hedhin poshtë kategorikisht ambicie të tilla.

"Fatkeqësisht, mendoj se deklarata e presidentit amerikan se e do Grenlandën duhet të merret seriozisht", deklaroi Frederiksen për Radion dhe Televizionin Danez.

Ajo shtoi se e kishte shprehur qartë qëndrimin e Mbretërisë së Danimarkës dhe kujtoi se Grenlanda disa herë ka bërë të ditur se nuk dëshiron të jetë pjesë e ShBA-së. 

"Nëse ShBA sulmon një shtet tjetër anëtar të NATO-s, atëherë gjithçka merr fund", deklaroi gjithashtu Frederikseni. 

 Foto: Arkivi