Uashington, 19 tetor 2024 (MIA) – Bordi Ekzekutiv i Fondit Monetar Ndërkombëtar (FMN) miratoi dje rishikimin e pestë të programit për fond të zgjeruar (EFF) për Ukrainën, me të cilin Kievi do të marrë një këst të ri prej rreth 1,1 miliardë dollarësh. 

Kryeministri i Ukrainës, Denis Shmigall deklaroi se kësti i ri i FMN-së do të përdoret "për të mbuluar shpenzime të rëndësishme buxhetore të detyruara".

Ai shtoi se "gjatë revizionit është optimizuar edhe orari i kësteve për vitin 2025”, i cili sipas tij “do të tërheqë më shumë mjete në buxhetin e shtetit”.

Shmigal gjithashtu theksoi se Ukraina dhe FMN-ja kanë arritur marrëveshje në nivel ekspertësh për rishikimin e pestë të Programit për fond të zgjeruar (EFF), me vlerë prej 15,6 miliardë dollarë. ls/ 

Foto: Arkivi i MIA-s