Nju-Delhi, 23 gusht 2023 (MIA) - India sot ka shkruar histori pasi fluturakja e saj kozimike "Çandrajan-3" (Chandrayaan-3) me sukses u ul në afërsi të Polit Jugor të Hënës.

Me këtë akt, India u bë vendi i parë që me sukses zbarkoi një fluturake kozmike pranë Polit të Jugut të Hënës. 

 Ky vend aziatik papritur pati një shans  me shkronja të arta ta shkruajë, historinë e eksplorimit kozmik, pasi Rusia  me një përpjekje të ngjashme të shtunën e humbi kontaktin me fluturaken "Luna 25", ndërsa të dielën më 20 gusht publikoi se është rrëzuar në Hënë.

 Megjithatë, kjo nuk ishte përpjekja e parë e Indisë të zbresë në Hënë. Vendi më i populluar në botë përjetoi një pengesë në vitin 2019, kur fluturakja kozmike "Çandrajan-2"  pati probleme gjatë zbritjes, pas së cilës “ngeci” në tokë.

Foto: EPA