Ankara, 6 mars 2025 (MIA) - Turqia dëshiron të jetë pjesë e çdo strukture të re të sigurisë evropiane nëse NATO bie, deklaroi ministri i Punëve të Jashtme të Tuqisë, Hakan Fidan në një intervistë për gazetën britanike Fajnenshëll tajms të publikuar sot.

"Veprimet e presidentit amerikan Donald Tramp janë një thirrje për zgjim - të bashkohemi dhe të krijojmë qendrën tonë të gravitetit", deklaroi Fidani duke shtuar se Turqia është e gatshme të jetë pjesë e një arkitekture të re sigurie në Evropë nëse NATO pushon së ekzistuari.

"Shpirti ka dalë nga shishja dhe nuk mund të kthehet mbrapa", theksoi Fidani duke aluduar në pasigurinë që rrethon të ardhmen e sigurisë evropiane.

Trampi edhe para se të bëhej president, kërcënoi se do të tërhiqte SHBA-në nga NATO përderisa aleatët evropianë nuk marrin përgjegjësi më të madhe financiare për sigurinë e tyre. 

Së fundmi, ai propozoi që vendet anëtare të NATO-s të rrisin shpenzimet e mbrojtjes në 5 për qind të BPV-së. rq/

Foto: arkivi i MIA-s