Bratisllavë, 2 tetor 2023 (MIA) - Presidentja e Sllovakisë, Zuzana Çaputova sot ia besoi mandatin për formimin e Qeverisë Robert Ficos, partia e të cilit SMER- sllovake sociale (SMER-SSD) fitoi më së shumti vota në zgjedhjet parlamentare, por jo mjaftueshëm për të pasur shumicë në parlament.

Pas takimit me Çaputovën, Fico u tha gazetarëve se në një afat prej dy javësh duhet t'i përfundojë negociatat për formimin e qeverisë së koalicionit, transmetojnë mediat britanike.

"Ky nuk do të jetë një proces i lehtë, por do të bëjmë gjithçka që të ketë qeveri", tha Fico.

Partia e Fico-s, Smer-SSR fitoi pothuajse 23 për qind të votave në zgjedhjet e mbajtura fundjavën e kaluar, ndërsa Sllovakia Progresive (SP) e plasuar në vend të dytë fitoi pothuajse 18 për qind të votave.

 Fitorja e partisë Smer-SSD paraqet kthim politik të politikës proruse dhe antiamerikane, vlerësojnë mediat amerikane. sa/