Bruksel, 15 prill 2024 (MIA) - Eurokomisari për Drejtësi, Didie Rejnders nga sot do të shkojë në pushim pa pagesë në mënyrë që të marrë pjesë në fushatën për zgjedhjen e Sekretarit të ri të përgjithshëm të Këshillit të Evropës.

Siç ka kumtuar zëvendësja e zëdhënësit kryesor të Komisionit Evropian, Arijana Podesta, Rejnders do të jetë në pushim pa pagesë deri në votimin për zgjedhjen e Sekretarit të ri të përgjithshëm në Asamblenë Parlamentare të Këshillit të Evropës, i parashikuar për në mes të qershorit.

Sipa Podestës, gjatë kohës së mungesës së Rejnders me vendim të kryetarës së Eurokomisionit, Ursula Fon der Lajen, me dikasterin e tij do të udhëheq nënkryetarja e KE-së për vlera dhe transparencë Vera Jurova.

Pushimin pa pagesë të Rejnders, Fon der Lajen e ka miratuar me 28 mars, pasi Komiteti i ministrave të Këshillit të Evropës mbështetën kandidaturën e tij për sekretar të ri të përgjithshëm të kësaj organizate panevropiane.

Fon der Lajen theksoi se dhe në periudhën e pushimit pa pagesë për Rejnders do të vazhdojnë dhe rregullat e Kodit të sjelljes për anëtarët e Komisionit Evropian. rq/

Foto: Arkivi i MIA-s