Strazburg, 18 tetor 2022 (MIA) - Nesër pasdite, eurodeputetët me Komisionin do të debatojnë dhe vlerësojnë marrëdhëniet e BE-së me Ballkanin Perëndimor në dritën e progresit drejt anëtarësimit në BE, njoftoi korrespondenti i MIA-s nga Strasburgu. Komisari për Politikë Evropiane të Fqinjësisë dhe Zgjerimit, Oliver Varhei, prezantoi këtë javë para eurodeputetëve në Komisionin e Punëve të Jashtme analizat dhe parashikimet e Komisionit për politikën evropiane të zgjerimit në kontekstin e një situate të vështirë gjeopolitike. Vlerësimi do të mbulojë gjithashtu ndikimin e financimit të para-anëtarësimit, gjendjen me sundimin e së drejtës në vendet e anëtarësimit dhe çështje të tjera themelore të reformës. Në debatin plenar të nesërm, eurodeputetët pritet të mirëpresin fillimin zyrtar të negociatave inkuadruese me Maqedoninë e Veriut dhe Shqipërinë në korrikun e kaluar dhe pritet t'i bëjnë thirrje BE-së që të liberalizojë regjimin e vizave për Kosovën. Ata gjithashtu duhet të kërkojnë që Serbia të respektojë masat kufizuese të BE-së kundër Rusisë. Mali i Zi dhe Serbia i filluan negociatat përkatësisht në vitin 2012 dhe 2014, ndërsa Bosnja e Hercegovina dhe Kosova janë kandidate potenciale. tg/sa/