Gjenevë, 14 nëntor 2023 (MIA) - Shefi i diplomacisë izraelite Eli Koen sot i bëri thirrje sekretarit të përgjithshëm të KB-së, Antonio Guteresh të japë dorëheqje, sepse, siç tha, "nuk ka përparuar kurrfarë procesi paqësor në Lindjen e Mesme".

Koen kërkesën e dha gjatë vizitës së zyrave të KB-së në Gjenevë, si dhe gjatë takimeve me Komitetin Ndërkombëtar të Kryqit të Kuq dhe Organizatës Botërore të Shëndetësisë (OBSH), shkruan "Tajms of Izrael".

"Sekretari i përgjithshëm i KB-së, Antonio Guteresh, nuk meriton të udhëheqë KB-në. Ai nuk promovonte kurrfarë procesi paqësor në rajon. Guteresh, si dhe të gjitha kombet e lira, duhet të thonë me zë të lartë: Lirojeni Gazën nga Hamasi", tha Koen në konferencën për shtyp në Gjenevë.

Komentet e Koen vijuan pasi Guteresh paraprakisht ashpër e dënoi Izraelin, duke thënë mes tjerash, se edhe pse nuk ka arsyetim për krimet e kryera nga Hamasi, "ato nuk ndodhën në vakum".

Gjatë takimit me kryetaren e Kryqit të Kuq Ndërkombëtar, Mirjana Shpolariq Eger, Koen ka kërkuar që Kryqi i Kuq "të punojë përmes të gjtiha kanaleve" për të siguruar vizita për pengjet që i mban Hamasi në Gaza.

Në takim mori pjesë edhe ministri izraelit i Shëndetësisë Uriel Buso, si dhe disa anëtarë të familjeve të pengjeve që i mbante Hamasi.  sa/

foto: Arkivi i MIA-s