Abuxha, 8 gusht 2023 (MIA) - Komuniteti Ekonomik i Shteteve të Afrikës Perëndimore (EKOVAS) dhe kryesuesi i tij, presidenti nigerian Bola Ahmed Tinubu preferojnë një zgjidhje diplomatike të situatës në Niger në vend të ndërhyrjes ushtarake, deklaroi sot zëdhënësi i Tinbu, Ajuri Ngelale.

Ai paralajmëroi se organizimi i samitit të jashtëzakonshëm në kryeqytetin nigerian, Abuxha, pas dy ditëve, do t'i shqyrtojë të gjitha opsionet e mundshme, megjithëse, siç theksoi, dëshiron ta zgjidhë situatën në Niger në rrugë diplomatike, jo me mjete ushtarake, raportojnë mediat britanike. . 

Ngelale, gjithashtu, bëri të ditur  se Tinbu ka urdhëruar që të vendosen sanksione të reja ndaj Nigerit përmes Bankës Qendrore të Nigerisë,  duke synuar subjektet dhe individët e përfshirë në grusht shtet. 

 Junta ushtarake e Nigerit ka mbyllur hapësirën ajrore të vendit pasi skadoi ultimatumi i anëtarëve të EKOVAS, të cilët paralajmëruan përdorimin e forcës nëse presidenti i rrëzuar nuk kthehet në pushtet.

Gjithashtu, kufijtë janë të mbyllur dhe transaksionet komerciale dhe financiare midis vendeve të Komunitetit dhe Nigerit janë pezulluar.

 Bazumi i bëri thirrje bashkësisë ndërkombëtare të ndihmojë "për rivendosjen e rendit kushtetues".

Foto: Vikipedia