Jerusalem, 30 nëntor 2023 (MIA) - Dy persona janë vrarë, ndërsa tetë persona janë plagosur në një sulm me armë zjarri në Jerusalem, njoftoi policia izraelite. Një grua humbi jetën në vendin e ngjarjes, ndërsa një burrë më i moshuar u ishte nënshtruar plagëve rrugës për në spital.

"Dy terroristë të cilët mbërritën në vendin e ngjarjes me veturë të armatosur me armë qëlluan drejt civilëve në një stacion autobusi, ndërsa ata ishin neutralizuar nga forcat e sigurisë dhe një civil i cili gjendej në afërsi", njoftoi policia izraelite. 

Sipas policisë, dy personat kishin dalë nga automobili rreth orës 7:40 sipas kohës lokale dhe kishin hapur zjarr drejt stacionit të autobusit, ku gjendeshin një numër i madh i njerëzve. 

Identiteti i sulmuesve nuk është bërë i ditur menjëherë, por disa nga mediat lokale publikuan se janë nga Jerusalemi lindor. 

Një numër i madh i automjeteve të ndihmës së shpejtë dhe policisë u grumbulluan në vendin e ngjarjes, ndërsa policia njoftoi se po e kërkon rajonin që të sigurohet se nuk ka sulmues të tjerë. 

Ambasadori i SHBA-së në Izrael i dënoi të shtënat. "Sulm i tmerrshëm terrorist në Jerusalem mëngjesin e sotëm. Pa dyshim e dënojmë dhunën e tillë brutale", porositi ambasadori Xhek Lu. fc/

Fotografia: EPA