Budapest, 19 maj 2024 (MIA) - Dy persona kanë humbur jetën mbrëmë vonë dhe pesë rezultojnë të zhdukur në përplasjen e një varke të vogël dhe një kryqëzori në lumin Danub në veri të Budapestit, njoftoi sot policia hungareze.

Trupat e një burri dhe një gruaje të rritur janë gjetur në veri të kryeqytetit dhe autoritetet janë ende në kërkim të pesë personave të zhdukur.

Soma Çepi, zëdhënësja e policisë në Budapest, deklaori në një konferencë për shtyp se, sipas informacioneve të deritanishme, në varkë ndodheshin gjithsej tetë persona të rritur dhe konfirmoi se dy persona kanë vdekur dhe pesë rezultojnë të zhdukur. Tre burra dhe dy gra aktualisht po kërkohen me skafe dhe drone, raportojnë mediat hungareze.

Policia njoftoi gjithashtu se një gomone më e madhe është ndalur në qytetin e Komaromit, ku nga ekspertiza ka rezultuar se i ishte dëmtuar pjesa anësore. Po kryhet inspektimi dhe po hetohet për rrezikun në rrugën ujore dhe vdekjen e disa personave. mb/