Moskë, 15 mars 2024 (MIA) - Vendet perëndimore u aktivizuan shumë  pas zgjedhjeve presidenciale në Rusi, deklaroi sot zëdhënësja e Ministrisë së Punëve të Jashtme, Maria Zaharova. 

"Ky është një histori e paprecedentë, në kuptim të një lloj aktivizimi sabotues të Perëndimit kolektiv", theksoi Zaharova në intervistë për mediat ruse. 

Dita e parë e zgjedhjeve presidenciale në Rusi ishte shënuar me një varg incidentesh, në mesin e të cilave edhe spërkatje me ngjyrë në kutitë e votimit, hedhje të koktej molotov në vendvotimin e qytetit të lindjes së presidentit Vladimir Putin dhe një varg sulmesh kibernetike. 

Miliona rusë votuan në 11 zona kohore në vend në fillim të zgjedhjeve tre ditëshe të cilat gati sigurt do t'i japin Putinit edhe gjashtë vite në krye të vendit më të madh në botë për nga territori. 

Në mes të luftës në Ukrainë, konfliktit më vdekjeprurës në Evropë pas Luftës së Dytë Botërore, Putini 71-vjeçar dominon në politikën ruse dhe asnjë nga tre kandidatët e tjerë në fletët e votimit nuk përfaqëson sfidë të vërtetë për të. 

Në kutitë e votimit në Moskë, në Krimenë e aneksuar dhe në rajonin Karaçaj - Çerkezi në Kaukaz, ishte hedhur ngjyrë në një kuti votimi, shkruajnë mediat ruse. 

Një kamerë mbikëqyrëse e xhiroi incidentin - një grua e re është xhiruar se si e vendos fletën e saj të votimit në kutinë e votimit, ndërsa pastaj qetë hodhi lëng të gjelbër në të. Një polic menjëherë e kapi. 

Koktej molotov ishte hedhur në një vendvotim në Shën Petërsburg, ndërsa një grua 21-vjeçare është arrestuar. Në vendvotimet në Moskë dhe Siberi janë vërejtur përpjekje për zjarrvënie. 

Shefi i komisionit zgjedhor rus, Ela Pamfillova, tha se kryerësve të atyre veprave u kërcënohet dënimi me burg deri pesë vjet dhe sugjeroi se kryerësit ishin paguar nga ata të cilët dëshironin ta dëmtonin votimin. 

Jehona ishte e madhe në mbarë vendin - në orën 17:20 sipas kohës së Moskës - rreth 24,6 për qind. Votimi elektronik ishte aq i madh sa që sistemi ishte shumë i ngarkuar. 

Komisioni zgjedhor njoftoi se ka pasur më shumë se 10.000 sulme ndaj sistemeve elektronike për votim, por se nuk ka dëme. 

Zëdhënësi i kandidatit të diskualifikuar për president Boris Nadezhdin deklaroi se sot ishin arrestuar dy të punësuar dhe një vullnetar që ka lidhje me fushatën e tij dhe se një aktivist ishte sulmuar në vendin e votimit. 

Për funksionin shef i shtetit garojnë katër kandidatë - Leonid Slucki, Nikollaj Haritonov, Vlladisllav Davankov dhe Vladimir Putin. 

Votimi filloi sot, ndërsa do të përfundojë më 17 mars. fc/

Fotografia: EPA