Pragë, 21 dhjetor 2023 (MIA) - Disa njerëz janë vrarë, ndërsa "dhjetëra" janë plagosur në të shtënat në afërsi të universitetit në qendër të Pragës, njoftoi policia çeke.

Ministria e atjeshme e Punëve të Brendshme informoi se sulmuesi është "eliminuar" dhe se ndërtesa po evakuohet, transmeton Bi-Bi-Si.

Raportet sugjerojnë se incidenti ka ndodhur në Fakultetin e Arteve të Universitetit të Karlit, i cili gjendet në sheshin Jan Pallah.

Autoritetet njoftuan se i gjithë sheshi dhe disa rrugë rreth universitetit janë mbyllur. 

"Përnjëherë dëgjova të shtëna", deklaroi për gazetën çeke Dnes dëshmitari i cili ishte në vendin e ngjarjes. 

Në një porosi elektronike dërguar personelit të fakultetit filozofik të Universitetit të Karlit, të cilën e kishte parë Rojtersi, e ka paralajmëruar personelin për të shtënat, transmeton Bi-Bi-Si.

Në porosi shkruante: "Qëndroni, mos shkoni askund, nëse jeni në zyrë, mbyllni dyert dhe vendosni orendi para derës, fikni dritat".

Universiteti i Karlit gjendet në Qytetin e Vjetër të Pragës, rreth 500 metra nga Ura historike e Karlit, që është magnet për turistët. fc/

Fotografia: EPA