Hagë, 12 nëntor 2024 (MIA) – Dhjetëra njerëz të armatosur me shkopinj dhe kapsolla dje dogjën një tramvaj në Amsterdam, njoftoi policia e Holandës, duke bërë të ditur se janë rritur tensionet në qytet pas përleshjes së dhunshme të javës së kaluar mes tifozëve të klubit izraelit të futbollit Makabi dhe Ajaksit të Amsterdamit. 

Policia njoftoi se zjarri në tramvaj ishte shuar shpejtë dhe se njësitet për kontroll të trazirave e kanë pastruar rrethin në të cilin ka ndodhur incidenti. 

Në kumtesë bëhet e ditur se nuk është e qartë se kush i ka filluar trazirat dhe nëse ato kanë lidhje me sulmin e javës së kaluar mes tifozëve izraelitë, por vërehet se në qytet ka tension pas përleshjes mes tifozëve të Makabit dhe Ajaksit. fc/

Fotografia: EPA