Delhi, 16 nëntor 2024 (MIA) – Të paktën 10 foshnja humbën jetën, ndërsa 16 luftojnë për jetë në zjarrin që e kishte kapluar repartin e neonatologjisë në një spital në qytetin Xhansi në shtetin verior indian Utar Pradesh, njoftoi agjencia e lajmeve PTI, duke iu referuar autoriteteve lokale. 

Shkak i mundshëm për zjarrin është lidhja e shkurtë. Zjarri ishte përhapur shpejtë në repart, në të cilin kishte 55 foshnja. 

Kur zjarrfikësit mbërritën, reparti ishte përfshirë nga flakët dhe tymi. Ekipet e shpëtimit duhej të thyenin dritaret për të arritur tek foshnjat. Dëshmitarët thanë se operacioni i shpëtimit filloi rreth 30 minuta pasi shpërtheu zjarri, duke vonuar përpjekjet e evakuimit.

Zëvendëskryeministri i Utar Pradesh, Brajesh Patak e ka vizituar spitalin dhe është takuar me familjet e fëmijëve të lënduar. Ai premtoi mbështetje nga qeveria për familjet e viktimave dhe hetim thelbësor. 

“Do t’i identifikojmë përgjegjësit për këtë tragjedi dhe do të ndërmarrim masa të rrepta. Qeveria i mbështet familjet në këtë moment të vështirë”, theksoi Patak. fc/

Fotografia: Arkivi i MIA-s