Helsinki, 15 dhjetor 2023 (MIA) - Dhjetëra emigrantë sot kaluan në Finlandë, disa orë para mbylljes së dy vendkalimeve jugore në kufi me Rusinë.

Vendkalimet Valima dhe Nirala për kohë të shkurtë u hapën dje, pasi që u mbyllën në fund të muajit të kaluar, së bashku me gjashtë vendkalime të tjera finlandeze në kufi me Rusinë.

Finlanda e akuzon Moskën për dërgim të emigrantëve në kufi, në tentim që ta destabilizojë pas inkuadrimit në NATO, në muajin prill.

"Ky është një fenomen i jashtëzakonshëm. Asnjëherë më parë nuk kemi parë lëvizje të këtillë", deklaroi për televizionin finlandez XLE zëvendësdrejtori i vendkalimeve kufutare, Samuli Murtonen.

„Ова е извонреден феномен. Никогаш претходно не сме виделе вакво движење“, изјави за финската телевизија YLE заменик-директорот на граничните премини, Самули Муртонен.

Qeveria finlandeze megjithatë vendosi ditën e njejtë sërish t'i mbyllë ato dy vendkalime kufitare prej sonte në orën 20:00.

Ato do të mbeten të mbyllura deri më 14 janar.

Hapja e shkurtë e sërishme e kufirit duhet të shërbejë për të konfirmuar nëse "fenomeni" i emigrantëve ekziston akoma në kufi, kumtoi qeveria finlandeze.

Finlanda, e cila ka 5,6 milionë banorë, paraqet pjesë të konsiderueshme të krahut verilindor të NATO-s dhe e paraqet kufirin e jashtëm të Bashkimit Evropian në veri. ab/

Foto: МIА arkivi