Kopenhagë, 26 tetor 2023 (MIA) - Danimarka do t'i dhurojë Ukrainës pajisje ushtarake në vlerë prej 3,7 miliardë krona (rreth 495 milionë euro), njoftoi sot Ministria daneze e Mbrojtjes dhe e konfirmoi "mbështetjen e palëkundur" për Ukrainën. 

Donacioni përfshin tanke, automjete luftarake të këmbësorisë, municion artilerik, fluturake pa pilot dhe armë të kalibrit të vogël, bëhet e ditur në kumtesën e MM daneze. 

Dy ditë pas vizitës së ministrit danez të Mbrojtjes, Troels Lund Poullsen në Kiev, Kopenhaga e dhuroi ndihmën e 13-të me radhë, që përfshin pajisje të cilat i kërkon Ukraina  - municion, pajisje artilerike, tanke dhe automjete të blinduara. 

Donacioni i sotëm konfirmon se Ukraina mund të mbështetet në ndihmën e palëkundur të Danimarkës në luftën e saj për liri, deklaroi shefi i diplomacisë daneze, Lars Rasmusen. fc/

Fotografia: Arkivi i MIA-s