Bruksel, 12 shkurt 2024 (MIA) - Shefi i politikës së jashtme të BE-së, Zhozep Borel, u bëri thirrje aleatëve të Izraelit, kryesisht SHBA-së, që të ndalojnë dërgimin e armëve, sepse në Gazë janë vrarë "shumë njerëz".

Duke e treguar komentin e presidentit amerikan Xho Bajden javën e kaluar se veprimi ushtarak i Izraelit është "i tepruar", Borel tha "Epo, nëse mendoni se janë vrarë shumë njerëz, ndoshta duhet të siguroni më pak armë për të parandaluar vrasjen e kaq shumë njerëzve".

"A nuk është (kjo) logjike?" pyeti ai, në një konferencë shtypi në Bruksel, së bashku me Filip Lazarini, kreu i agjencisë palestineze të OKB-së për refugjatët UNRVA, të cilit Izraeli i bëri presion të japë dorëheqje.

"Sa herë keni dëgjuar liderët më të shquar dhe ministrat e Punëve të Jashtme në mbarë botën të thonë se janë vrarë shumë njerëz"? pyeti Boreli.

Ai gjithashtu e kritikoi ashpër thirrjen e kryeministrit izraelit Benjamin Netanjahu që më shumë se një milion palestinezë që janë të strehuar në qytetin Rafah në Gazë të "evakuohen" para operacionit të planifikuar ushtarak izraelit.

"Ata do të evakuohen - ku?" Në hënë? Ku do t'i evakuojnë ata njerëz? pyeti Boreli.

Lazarini shtoi se ekziston "një ndjenjë e thellë paniku" në lidhje me operacionin e planifikuar të Izraelit në Rafah.

“Po flasim për pesë për qind të popullatës që ose janë vrarë, plagosur ose të zhdukur – më shumë se njëqind mijë njerëz nga një popullatës prej dy milionësh”. Dhe kjo vetëm për katër muaj”, tha ai.

"Të them të vërtetën, nuk e kam idenë se çfarë do të thotë një vend i sigurt në Rripin e Gazës," tha ai. ls/

Foto: EPA