Blinken: Me testet e raketave, Koreja e Veriut rrezikon një izolim më të madh
Santiago, 5 tetor 2022 (MIA) - Sekretari amerikan i Shtetit, Entoni Blinken, paralajmëroi sot se Koreja e Veriut rrezikon një dënim dhe izolim ende më të madh nga komuniteti ndërkombëtar nëse vazhdon me provokimet e saj, pasi që dje lëshoi një raketë balistike mbi Japoninë.
"Nëse ata vazhdojnë në këtë rrugë, kjo vetëm do të rrisë dënimin, do të rrisë izolimin, do të rrisë hapat e ndërmarrë si përgjigje e veprimeve të tyre", tha Blinken në një konferencë për shtyp në Kili.
Mëngjesin e djeshëm, Koreja e Veriut lëshoi një raketë balistike që fluturoi mbi territorin e Japonisë, për herë të parë pas pesë vitesh. Raketa kaloi territorin japonez dhe ra në Oqeanin Paqësor.
Ishte hera e parë që nga viti 2017 që një raketë ishte lëshuar në atë drejtim dhe Japonia kumtoi se ishte ndoshta distanca më e gjatë e përshkuar nga një raketë e Koresë së Veriut, prej 4600 kilometra. sa/
