Berisha paralajmëroi indirekt protestë më 6 dhjetor, për socialistët ai është turp për vendin
Tiranë, 17 nëntor 2022 (MIA) - Paralajmërimit të Sali Berishës se ka mundësi që protesta e radhës masive antiqeveritare të jetë më 6 dhjetor, kur në Tiranë do të mbahet Samiti BE-Ballkani Perëndimor, i kanë reaguar ashpër nga Partia Socialiste në pushtet.
Sekretari i përgjithshëm i partisë dhe koordinatori i grupit parlamentar, Taulant Bala, tha se Berisha ishte një turp për vendin dhe e akuzoi atë se nuk donte kurrë integrimin e vendit në BE.
Duke iu referuar paralajmërimit të Berishës, i cili nuk tha një datë të saktë, por se "Evropa do të vijë, populli do të jetë këtu dhe do të japë mesazhin", Bala tha se do të ishte fyese nëse protesta e radhës do të bëhej në ditën kur liderët evropianë do të vijnë.
"Protestë e pasuksesshme, e planifikuar më 6 dhjetor, në ditën e Samitit të Bashkimit Evropian me Ballkanin Perëndimor. Janë ata që shkaktojnë dhimbjen e cila në këtë rast na kthehet në formë ofenduese. Sali Berishës nuk i pëlqen integrimi. Ai kurrë nuk ishte këtu. Ai sillej gjithmonë në një mënyrë për të penguar integrimin si tani. Për këtë arsye edhe e filloi konfliktin e brendshëm", tha Bala.
Ministri i Drejtësisë Ulsi Manja e akuzoi Berishën si "njeriu i Rusisë në Tiranë", i cili "proteston për të dhënë urdhrat që merr nga Moska". ls/
