Tiranë, 2 mars 2023 (MIA) - Kreu i krahut më të madh të Partisë Demokratike (PD), Sali Berisha, bëri të ditur se protesta e planifikuar për nesër në orën 12 do të jetë më masive deri tani.

"Do të jetë më masive, madhështore, që nuk është parë kurrë më parë. Qytetarët e shohin se kanë të bëjnë me një kriminel tejet të padisiplinuar (Edi Rama), tejet të rrezikshëm për shtetin dhe shoqërinë dhe duhet ta largojmë sa më shpejtë", deklaroi Berisha, raporton Ora njuz.

I pyetur nëse protesta që mbahet në të njëjtën ditë kur gjykata vendos se kush do të jetë pasardhësi i PD-së, krahu i tij apo i Enkeled Alibej, ai u përgjigj se “protesta e nesërme nuk ka lidhje me vendimin e gjykatës”.

"Nuk ka rëndësi. Në asnjë rast nuk mund të paragjykoj një vendim që nuk ka as bazë ligjore për të deklaruar një palë që nuk është palë. Nuk kam asnjë arsye të ndërhyjë në vendimin e gjykatës. Këtë e bënë me ndërhyrjen e fuqishme Edi Rama, Erion Veliaj (kryebashkiaku i Tiranës) dhe Juri Kim (ambasadorja e SHBA-së)", akuzoi ai.

Ai u pyet gjithashtu se kujt i referohej deklarata e Ramës nga foltorja se shumë shpejt do të ketë një tjetër non grata.

"Nuk më intereson çfarë thotë. Këtu është e rëndësishme t'ju them se atë që Edi Rama i bëri SHBA-së mund ta bëjë vetëm Lukashenko ose Putini, madje edhe Vuçiqi do të kishte frikë ta bënte. Shihemi nesër", deklaroi Berisha.

Kryeministri Edi Rama paraprakisht nga foltorja parlamentare ka tallur opozitën për protestën e saj të nesërme.

Ai tha se mund të “thonë sa të duan se është i frikësuar dhe i shqetësuar dhe se nuk heqin dorë nga revolucionet imagjinare, por nuk do të mund të përballen me të”.

Ndërkohë, policia njoftoi se për të garantuar rendin dhe sigurinë para, gjatë dhe pas protestës, e cila do të mbahet në sheshin “Heronjtë Kombëtare”, ka marrë të gjitha masat e nevojshme. qa/bsh/