Berlin, 29 prill 2024 (MIA) - Shefja e diplomacisë gjermane, Analena Berbok, bëri thirrje për pranim të shpejtë në BE të vendeve kandidate nga Ballkani Perëndimor me rastin e shënimit të 20 vjetorit të zgjerimit të Bashkimit Evropian me dhjetë vende në vitin 2004, njoftoi DPA.

"'Zonat gri' politike dhe gjeografike në Ballkan apo në pjesën lindore të BE-së janë jashtëzakonisht të rrezikshme. Nuk mund të lelojmë "zona gri" të tilla, sepse për (presidentin rus Vlladimir) Putin ato janë ftesë për ndërhyrje, për destabilizim", ka shkruar Berbok në teksin e autorit të publikuar me rastin e përvjetorit.

Artikulli, të cilin DPA e pa para publikimit, u shfaq sot në mediat në Lituani, Letoni, Rumani dhe Greqi, vë në dukje agjencia.

Estonia, Letonia, Lituania, Polonia, Republika Çeke, Sllovakia, Sllovenia, Hungaria, Malta dhe Qiproja u bashkuan me BE-në më 1 maj të vitit 2004.

"Ne e dimë të paktën që nga (fillimi i) luftës së agresionit rus kundër Ukrainës: zgjerimi i BE-së sonë sot është gjithashtu një domosdoshmëri politike", ka shkruar Berbok.

Ashtu si 20 vjet më parë, miliona evropianë sot shohin shpresë dhe mundësi për t'u bërë qytetarë të BE-së.

"Nuk mund të lejojmë që edhe një gjeneratë e tërë të flakërojë në dhomën e pritjes së BE-së, siç ndodhi në Ballkanin Perëndimor. Nuk duhet të humbasim mundësinë për ta bërë Unionin tonë më të madh dhe më të fortë - dhe për këtë arsye më të sigurt", paralajmëroi ajo.

Ballkani Perëndimor i përfshin Maqedoninë e Veriut, Shqipërinë, Bosnje e Hercegovinën, Kosovën, Serbinë dhe Malin e Zi.

Brukseli mendon se Mali i Zi është më i përparuari në procesin e anëtarësimit", thekson DPA.

Zgjerimi i BE-së pritet më së shpejti deri në fund të dekadës.

BE ka zhvilluar bisedime për anëtarësim me Malin e Zi që nga viti 2012. Në mars, BE vendosi të nisë negociatat edhe me Bosnjë e Hercegovinën. Megjithatë, konferenca e parë e anëtarësimit do të organizohet vetëm pasi vendi të përmbushë detyrimet e tij për reforma si në luftën kundër korrupsionit dhe krimit të organizuar.

Më 1 maj, Berbok planifikon ta festojë 20 vjetorin e anëtarësimit të Polonisë në BE me homologun e saj polak Radosllav Shikorki në Slubicë dhe në qytetin kufitar gjerman Frankfurt në Oder. ls/ 

Foto: Arkivi i MIA-s