Beograd, 3 qershor 2023 (MIA) - Mossuksesi për qetësimin e stuatës në veri të Kosovës do të ketë pasoja negative, ndërsa BE-ja është e gatshme të zbatojë masa vendimtare me këtë rast, thuhet në kumtesën e 27 vendeve-anëtare të BE-së, të publikuar sot, lajmëroi korrespondenti i MIA-s nga Beogradi.

"Presim që Kosova të mos përshkallëzojë situatën dhe të pezullojë menjëherë operacionet policore në afërsi të ndërtesave komunale në veri të Kosovës", thuhet në kumtesë.

Në të shtohet se Kryetarët e komunave duhet t’i kryejnë përkohësisht detyrat e tyre në objekte tjera, dhe sa më parë të jetë e mundur, të shpallen zgjehdje të parakohshme.

"Presim që serbët e Kosovës të marrin pjesë në këto zgjedhje”, thuhet në deklaratën të cilën zëdhënësi i BE-së, Peter Stano e kumtoi në Tuiter .

Zgjedhjet e parakohshme duhet të shpallen sa më shpejt që të jetë e mundur në të katër komunat dhe të organizohen në mënyrë plotësisht gjithëpërfshirëse, thekson BE dhe shton se pret pjesëmarrje të serbëve të Kosovës në ato zgjedhje.

BE-ja po ashtu ka shprehur shqetësimin për ngritjen e nivelit të gatishmërisë më të lartë të Forcave të Armatosura Serbe.

Përmes kësaj deklarate Bashkimi Evropian sërish dënon në termat më të ashpër aktet e dhunshme kundër qytetarëve, trupave të KFOR-it, forcave të rendit dhe mediave në veri të Kosovës.

“Dhuna mund të ishte shmangur dhe duhet shmangur në të ardhmen. Bashkimi Evropian qëndron fuqishëm pas misionit të NATO-s, KFOR dhe misionit të BE-së, EULEX në përmbushjen e mandateve të tyre përkatëse.

Ne i bëjmë thirrje Kosovës dhe Serbisë që menjëherë dhe pa kushte të marrin masa për të de-përshkallëzuar, të ndalojnë përdorimin e retorikës përçarëse dhe të përmbahen nga çdo veprim i mëtejshëm i pakoordinuar. Qetësia duhet të rivendoset urgjentisht”, thuhet në deklaratën e tij.

Përfaqësuesi i Lartë thekson se Bashkimi Evropian thekson se dështimi për të de-përshkallëzuar tensionet do të çojnë në pasoja negative.

“Presim që Kosova të mos përshkallëzojë situatën dhe të pezullojë menjëherë operacionet policore në afërsi të ndërtesave komunale në veri të Kosovës.

“Bashkimi Evropian pret që Kosova dhe Serbia të veprojnë me përgjegjësi dhe të angazhohen menjëherë në dialogun e ndërmjetësuar nga BE-ja për të gjetur një zgjidhje të qëndrueshme për situatën në veri të Kosovës që garanton siguri, siguri dhe pjesëmarrje demokratike për të gjithë qytetarët që hap rrugën për zbatimin e Marrëveshjes për rrugën drejt normalizimit dhe Aneksit të saj.

Kjo përfshin fillimin pa ndonjë vonesë apo parakusht të mëtejshëm të punës për themelimin e Asociacionit/Bashkësisë së Komunave me Shumicë Serbe”, thuhet në fund të deklaratës. ab/