Bruksel, 26 shkurt 2023 (MIA) - BE-ja dhe SHBA-ja presin që liderët e Prishtinës dhe Beogradit nesër në Bruksel të pranojnë propozimin evropian si parim, pikënisje për një zgjidhje të plotë, ligjërisht të detyrueshme të marrëdhënieve ndërmjet dy palëve dhe të fillojnë të punojnë për zbatimin e tij brenda disa muajsh, dhe në të njëjtën kohë, themelimi i pashmangshëm i Asociacionit të Komunave Serbe (AKS), transmeton Beta.

Zyrtarët në Bruksel, të informuar për dialogun ndërmjet Prishtinës dhe Beogradit, u thanë gazetarëve pas dyerve të mbyllura se presidenti serb Aleksandar Vuçiq dhe kryeministri i Kosovës Albin Kurti e kanë bërë të qartë se do të paraqesin "vijat e kuqe" dhe kushtet e tyre në lidhje me propozimin evropian, të njohura edhe si plan franko-gjerman.

Ndërmjetësuesit evropianë, megjithatë, nënvizuan se BE-ja dhe SHBA-ja janë fuqimisht të bindura se "propozimi evropian, gjermano-francez" e ka këtë në mendje dhe ofron zgjidhje, dhe Uashingtoni tregoi se marrëveshja përfundimtare do të nënkuptonte lëshime të rëndësishme dhe "kompromise të dhimbshme për të dy palët”, deklaruan kompetentët. Prandaj nuk do të diskutojmë menjëherë për përmbajtjen e propozimit të BE-së, i cili është paraqitur në aneks dhe nuk është publikuar, por për mënyrat dhe hapat për zbatimin e tij sa më të shpejt.

Zyrtarët në Bruksel kanë shpjeguar më tej qëndrimin e tyre se pranimi dhe zbatimi i kësaj marrëveshjeje nga Beogradi do të thotë njohje de fakto e pavarësisë së Kosovës, e jo zyrtare, pasi nuk kërkohet në “pikat e nisjes dhe parimet” e marrëveshjes.

Më herët, përfaqësuesit special të BE-së dhe SHBA-së për Ballkanin Perëndimor, Miroslav Lajçak dhe Gabriel Eskobar, kanë theksuar se zgjidhja për një marrëveshje gjithëpërfshirëse është që Serbia të mos e kundërshtojë hyrjen e Kosovës në organizatat ndërkombëtare, marrë nga marrëveshja ndërmjet ish-dy Gjermanive për zgjidhjen e marrëdhënieve të ndërsjella, kur Boni nuk e njohu Gjermaninë Lindore, por nuk e kundërshtoi hyrjen e saj në KB, raporton Beta. sa/