Bruksel, 29 gusht 2024 (MIA) - Vendet-anëtare të Bashkimit Evropian sot kërkuan një pauzë humanitare në luftën ndërmjet Izraelit dhe Hamasit në Gazë për të mundësuar fillimin e fushatës për vaksinim kundër paralizës së fëmijëve.

Në kumtesën e përbashkët nga BE-ja theksohet se është shqetësues fakti se në Gazë në korrik u zbulua një rast i paralizës së fëmijëve, rasti i parë pas 25 viteve.

"Një epidemi duhet të shmanget midis një popullate tashmë të dobësuar nga më shumë se 10 muaj luftime dhe shpërngulje, ushqim i pamjaftueshëm, mungesa e shërbimeve bazë shëndetësore dhe kushteve të këqija dobëta, por edhe për shkak të përhapjes së mëtejshme të mundshme të virusit ndërkombëtarisht."

BE i bashkohet thirrjes së Sekretarit të Përgjithshëm të Kombeve të Bashkuara dhe Organizatës Botërore të Shëndetësisë për pauza urgjente humanitare në Gazë për të lejuar zbatimin e fushatës së vaksinimit ndaj poliomielitit. Dy raunde të fushatës pritet të zhvillohen në javët e ardhshme në bashkëpunim me Organizatën Botërore të Shëndetësisë dhe UNICEF-in, duke dhënë dy pika të vaksinës së re orale ndaj poliomielitit tip 2 për më shumë se 640,000 fëmijë nën moshën dhjetë vjeç.

BE mirëpret dorëzimin e më shumë se 1,2 milionë vaksinave orale të poliomielitit, si dhe bashkëpunimin e Izraelit në dërgimin e vaksinave në Gazë dhe thekson rëndësinë e bashkëpunimit të mëtejshëm nga të gjitha palët me OBSH-në, UNRWA dhe UNICEF-in për zbatimin e vaksinimit. “Angazhimi për pauza humanitare nga të gjitha anët do të jetë çelësi për zbatimin e suksesshëm dhe në kohë të këtyre fushatave emergjente. Mbrojtja e institucioneve shëndetësore dhe punonjësve të tyre, si dhe sigurimi i qajses së sigurt për fëmijët dhe familjet në vendet e vaksinimit, do të jenë thelbësore për këtë proces”, thuhet në kumtesën.

Në të gjithashtu kujtohet se BE-ja vazhdimisht përsërit shqetësimin e saj për situatën katastrofike në Gazë dhe mbështet negociatat në vazhdim për një marrëveshje armëpushimi dhe lirimin e të gjithë pengjeve. BE-ja dhe vendet e saj anëtare janë së bashku donatori më i madh i ndihmës humanitare për Gazën. BE-ja mbetet plotësisht e përkushtuar për të ofruar ndihmë dhe mbështetje humanitare për palestinezët e prekur nga lufta në Gazë, duke përfshirë vazhdimin e operacioneve të Urës ajrore humantire të BE-së, rritjen e mjeteve për të mbështetur institucionet shëndetësore dhe ndihmën përmes Mekanizmit të Mbrojtjes Civile të BE-së, si dhe për aktorët humanitar – si agjencitë e OKB-së ashtu edhe OJQ-të – në terren. ls/

Foto: Arkiv