Peking, 21 shtator 2023 (MIA) - Presidenti sirian Bashar al-Asad dhe presidenti kinez Si Xhinping do të jenë në mesin e zyrtarëve që do të marrin pjesë në ceremoninë e hapjes së Lojërave të nëntëmbëdhjeta verore aziatike në Hangzhu, Kinë, njoftuan agjencitë botërore.

Për këtë qëllim, Asad dhe gruaja e tij Asma mbërritën në Kinë me një aeroplan të siguruar nga lideri kinez.

Gjatë qëndrimit, presidenti sirian do të diskutojë me homologun e tij kinez edhe për perspektivat e bashkëpunimit dypalësh tregtar dhe ekonomik.

Asad shoqërohet edhe nga delegacion që do të bisedojë me liderë të lartë kinezë.

Siç raportojnë agjencitë, të dy vendet janë duke përgatitur një sërë nismash të rëndësishme politike dhe ekonomike që synojnë zhvillimin e partneritetit mes tyre.

Kjo do të jetë vizita e dytë e Asadit në Kinë. E para ishte në vitin 2004. ls/

Foto: Arkivi i MIA-s