Uashington, 24 gusht 2023 (MIA) - Departamenti amerikan i Drejtësisë njofton se ka sekuestruar më shumë se 1,4 miliardë dollarë, të cilat kriminelët vodhën nga ndihma për Kovid-19 dhe akuzoi më shumë se tre mijë kriminelë të pandehur në qarqet federale në tërë vendin, raportojnë mediat britanike. 

Departamenti i Drejtësisë i publikoi rezultatet nga masat kombëtare për zbulimin e mashtrimeve të lidhura me pandeminë, me ç'rast akuzuan 371 persona për krime, të lidhura me keqpërdorimin e më shumë se 836 milionë dollarë nga fondet për Kovid.

Gjithësej 119 të akuzuar e kanë pranuar akuzën ose u dënuan gjatë operacionit, sipas të dhënave nga Ministria e Drejtësisë. 

SHBA-ja po heton raste të shumta të mashtrimit në lidhje me programet për ndihmë të Qeverisë amerikane. Në maj të vitit 2021, Garland themeloi Grupin punues për zbatimin e mashtrimeve "Kovid-19". Vitin e kaluar, Departamenti ka emëruar prokurorin federal Kevin Çembers për të udhëhequr përpjekjet për të hetuar skemat e dyshuara të mashtrimit në programet për ndihmë nga pandemia. qa/bsh/

Foto: Arkivi i MIA-s