Bruksel, 5 dhjetor 2023 (MIA) - Ministrja austriake e Mbrojtjes, Klaudia Taner porositi se Austria insiston për përshpejtim të procesit të inkuadrimit të vendeve nga Ballkani Perëndimor në BE, me qëllim që të sigurohet stabiliteti i rajonit dhe mbrojtja e tij nga ndikimet e jashtme.

"Përshpejtimi i negociatave inkuadruese me vendet nga Ballkani Perëndimor është prioritet i qartë për mua para se të flasim për anëtarësime të tjera të mundshme", deklaroi Taner gjatë vizitës në Bosnjë e Hercegovinë.

Sipas saj, në kushte të krizës në botë BE-ja "nuk guxon ta humbë nga shikimi fqinjësinë e vet të drejtpërdrejtë".

"Ballkani Perëndimor, e posaçërisht Bosnja e Hercegovina, janë partnere të rëndësishme për Austrinë kur bëhet fjalë për szabilitetin e mëtejshëm, bashkëpunimin rajonal dhe integrimin evropian të këtij rajoni", shtoi Taner.

Porosia austriake për përshpejtim të procesit për pranim të vendeve nga rajoni vjen në prag të Samkitit BE-Ballkani Perëndimor, që do të mbahet më 13 dhjetor në Bruksel dhe në kushte kur Unioni është i fikusuar shumë më tepër në kandidaturën e Ukrainës për anëtarësim.

Takimi i liderëve të Unionit dhe të vendeve nga Ballkani Perëndimor do të mbahet një ditë para Samitit të BE-së në dhjetor, kur një nga temat do të jetë edhe procesi i zgjerimit, përfshirë edhe vendimi për fillim të negociatave për anëtarësim të Ukrainës dhe Moldavisë në bllok. Lidhur me BeH-në, Komisioni evropian rekomandon fillim të kushtëzuar të negociatave me kërkesë që vendi ta "përmbushë shkall[n e nevojshme të harmonizimit" me BE-në.

Kohë më parë në intervistë për "Fajnenshëll tajms", shefi i diplomacisë austriake, Aleksanadar Shalenberg porositi se negociatat me BeH-në duhet të fillojnë sa më parë. Sipas tij, nga Samiti i ardhshëm i BE-së, për shkaqe gjeostrategjike duhet të dërgohen "sinjale të barabarta në të dy drejtimet" edhe ndaj Ukrainës dhe Moldavisë, edhe ndaj rajonit të Ballkanit Perëndimor. ab/

Foto: МIА arkivi