Strasburg, 1 tetor 2024 (MIA) - Themeluesi i Uikiliksit, Xhulian Asanzh (53) sot deklaroi se u lirua nga burgu sepse u deklarua fajtor për gazetari, ndërsa jo sepse sistemi ligjor funksionoi, publikoi Gardian.

Ai u tha parlamentarëve evropianë se është e nevojshme të shpallet fajtor për akuzat për spiunazh amerikan, sepse përpjekjet ligjore dhe politike për të mbrojtur lirinë e tij nuk ishin të mjaftueshme, shkruan Gardian.

"Në fund zgjodha lirinë në vend të drejtësisë së paarritshme. Sot jam i lirë pas burgut të kaluar për pranimin e fajit për gazetari", tha Asanzhi para Komitetit për çështjet ligjore dhe të drejtat e njeriut të Asamblesë parlamentare të Këshillit të Evropës të APKE-së në Strasburg në fjalimin e tij të parë publik që nga lirimi i tij në qershor.

Ai tha se shpreson se dëshmia e tij sot mund të shërbejë për të nxjerrë në pah dobësitë e masave mbrojtëse ekzistuese dhe për të ndihmuar ata, rastet e të cilëve janë më pak publike, por të cilat janë po aq të ndjeshme. Asanzh tha se liria e fjalës ishte në "udhëkryq të errët".

Asanzh theksoi se gazetarët nuk duhet të ndiqen për të kryer punën e tyre.

"Gazetaria nuk është krim", theksoi Asanzh. rq/

Foto: arkivi i MIA-s