Atlanta,30 tetor 2024 (MIA) – Një burrë i armatosur me disa armë të ndryshme gjuajti të paktën 15 të shtëna nëpër mure, në derën e ballkonit të dhomës së tij në hotelin Four Seasons në Atlanta gjatë një shkëmbim zjarri pasditen e djeshme dhe u arrestua, deklaruan nga policia.

“I dyshuari 70 vjeçar përdori pistoletë dhe një armë gjahu gjatë të shtënave", deklaroi shefi i policisë së Atlantës, Darin Sherbaum në konferencë për media. Dy policë iu përgjigjën zjarrit.  Një polic dhe i dyshuari janë dërguar në spital me lëndime, jashtë rrezikut për jetë.

Deri tani, autoritetet nuk dinë nëse ndonjë prej tyre është qëlluar me armë zjarri. Policët morën informacione se i dyshuari ishte përfshirë në një debat me një punonjës të hotelit. Pasi oficerët u përpoqën ta detyronin të dyshuarin të shkonte te dera e dhomës së tij dhe të dorëzohej i qetë, ai filloi të gjuajë. Kishte dhe disa thika dhe hodhi të paktën një armë nga ballkoni.

Në fund, i dyshuari ka ngritur duart, ndërsa një ekip i forcave speciale ka shkuar te dera e tij dhe e ka arrestuar.

Policia ka okupuar zonën përreth hotelit dhe ka lëshuar urdhër evakuimi për banorët.

Rasti është duke u hetuar si sulm i rëndë. Rrugët e afërta në zonë do të mbeten të mbyllura derisa autoritetet e kryejnë hetimin, shtoi policia. rq/bsh/

Foto: arkivi i MIA-s