Anketë: Vetëm 17 për qind e gjermanëve janë të gatshëm të marrin armët për të mbrojtur vendin e tyre
- Vetëm 17 për qind e gjermanëve janë të vendosur të marrin armët për të mbrojtur vendin e tyre në rast të një sulmi ushtarak, tregon anketa e re e publikuar sot.
Berlin, 20 dhjetor, 2023 (MIA) - Vetëm 17 për qind e gjermanëve janë të vendosur të marrin armët për të mbrojtur vendin e tyre në rast të një sulmi ushtarak, tregon anketa e re e publikuar sot.
Hulumtimi i porositur nga e përjavshmja "Shtern" tregoi se shumica e gjermanëve nuk janë të gatshëm të mbrojnë vendin e tyre me armë në një konflikt të mundshëm të armatosur.
Rreth 61 për qind e të anketuarve thanë se ka "pak gjasa" ose "definitivisht jo" që të regjistroheshin dhe të merrnin armët, edhe nëse vendi i tyre sulmohej nga një fuqi e huaj.
Nëntëmbëdhjetë për qind thanë se "ndoshta" do të merrnin pjesë në një luftë të armatosur kundër forcave okupuese.
Shifrat janë në kundërshtim të plotë me përpjekjet e qeverisë gjermane për të krijuar mbështetje publike për një agjendë më ambicioze të politikës së mbrojtjes.
Qeveria e koalicionit të kancelarit Olaf Sholc ka hequr dorë nga një politikë e kujdesshme e mbrojtjes pas luftës së Rusisë kundër Ukrainës dhe publikuar një plan ambicioz prokurimi për të modernizuar forcat e saj të armatosura.
Javën e kaluar, ministri i Mbrojtjes Boris Pistorius tha se Gjermania ka "rreth pesë deri në tetë vjet" për të qenë përsëri "gati për luftë" dhe të mund t'u përgjigjet kërcënimeve për Evropën. ls/
Foto: Arkiv