Bruksel, 9 qershor 2022 (MIA) - BE-ja sot ka akorduar edhe 205 milionë euro të dedikuara si ndihmë humanitare për Ukrainën, me çka vlera e përgjithshme e mjeteve evropiane të akorduara deri më sot për ushqim, ujë, mbrojtje shëndetësore dhe akomodim të ukrainasve të prekur nga lufta ka arritur 700 milionë euro.

Komisioni Evropian kumtoi se përmes mobilizimit më të madh deri më tani të Mekanizmit për mbrojtje civile të BE-së, të gjitha 27-të vendet-anëtare, si dhe Turqia, Norvegjia dhe Maqedonia e Veriut, i kanë siguruar Ukrainës më shumë se 38 mijë tonë ndihmë në vlerë prej 373 milionë eurove.

BE-ja, gjithashtu ka formuar qendra për ndihmë humanitare në Poloni, Rumani dhe Sllovaki për dërgim më të shpejtë të ndihmës, si dhe dy depo për pajisje humanitare në vetë Ukrainën. mb/