Јовевски: Потпишувањето колективни договори во јавниот сектор е историски момент, Македонија лидер во регионот во ова синдикално преговарање
Професорот по трудово право, Лазар Јовевски, смета дека потпишувањето на 60-те поединечни колективни договори со институци од јавниот и државниот сектор е историски момент во оваа сфера бидејќи, како што нагласува, спецификата е што на овој начин се навлегува многу подлабоко во однос на одредени прашања кои се поврзани, односно се од значење за самите вработени. На ваков начин, вели, голема застапеност на подобрени права, кои се однесуваат на сите вработени, плус, како што вели, е круната на целиот процес, а тоа е покачувањето на платите, кое за речиси две години треба да изнесува 42-43 проценти. Според него, ова е нешто што до сега се нема случено на ваков начин во државата Македонија, од осамостојувањето, па до денес. Она што особено го радува, вели, е што на ова прашање му се пристапува системски и што се остава простор за зголемување на платите и во иднина, а не само еднократно. Така што, нагласува професорот Јовевски, ова нешто е поинакво и покажува дека Македонија е веќе лидер во колективното преговарање во јавниот сектор во регионот.
Mia.mk користи колачиња Ние користиме колачиња за да го подобриме вашето искуство со прелистување, да опслужуваме персонализирани реклами или содржини и да го анализираме нашиот сообраќај. Со кликнување на „Прифати“, се согласувате со нашата употреба на колачиња.
