Скопје, 24 февруари 2026 (МИА) - Предлог-законот за изменување и дополнување на Законот за минималната плата во Република Северна Македонија, во прво читање, денеска е на дневен ред на седницата на собраниската Комисија за економски прашања, труд и енергетска политика.

Овластен предлагач е претседателот на СДСМ, Венко Филипче, а други предлагачи се пратениците Бисера Костадиновска-Стојчевска, Благој Бочварски, Борче Цветков, Венко Филипче, Горан Мисовски, Даниела Николова, Димитар Ковачевски, Јован Митрески, Јованка Тренчевска, Љупчо Николовски, Миле Талевски, Митко Трајчулески, Моника Зајкова, Оливер Спасовски, Сања Лукаревска, Славјанка Петровска, Соња Мираковска, Фатмир Битиќи.

Со предлог-законот се предлага минималната плата во државава да изнесува 600 евра.

Истиот предлог-закон потоа е ставен и на дневен ред на Законодавно-правната комисија. ац/лв/

Фото: МИА архива