Бергамо, 25 декември 2024 (МИА) - Лидерот на Серија „А“, Аталанта е заинтересиран за напаѓачот на Ливерпул, Федерико Киеза.

Според италијанските медиуми, во јануари „бергамите“ ќе дадат понуда за изнајмување до крајот на сезоната. Се очекува понудата да содржи откупна клаузула.

Киеза не успеа да се наметне во Ливерпул, откако игра многу малку поради постојаните повреди. Тој се пресели на „Енфилд“ летото од Јувентус.

Ако се врати во родната земја, тоа може позитивно да се одрази врз него. Тој може да и помогне на Аталанта, која оваа сезона одлично се претставува, но само доколку остане здрав подолг период. дс

Фото: Архива